ಖಾನಾಪೂರ ತಾಲೂಕಿನ ನಾಗರಾಳಿ ಸಮೀಪದಲ್ಲಿ ಮಳೆಯ ಅಬ್ಬರದ ನಡುವೆ ನಿಯಂತ್ರಣ ತಪ್ಪಿ ದ್ವಿಚಕ್ರ ವಾಹನ ಸವಾರರೊಬ್ಬರು ಸ್ಥಳದಲ್ಲೇ ಸಾವನ್ನಪ್ಪಿದ ದಾರುಣ ಘಟನೆ ನಡೆದಿದೆ.

ಮೃತರನ್ನು ಅಳ್ನಾವರ ತಾಲೂಕಿನ ಕಾಷೆನಟ್ಟಿ ಗ್ರಾಮದ 56 ವರ್ಷದ ಅಲ್ಲಭಕ್ಷ ಇಮಾಮಸಾಬ ತಡಕೋಡ ಎಂದು ಗುರುತಿಸಲಾಗಿದೆ.ಖಾನಾಪೂರ ತಾಲೂಕಿನ ನಾಗರಾಳಿ ಗ್ರಾಮದ ಸಮೀಪದಲ್ಲಿ ಚಲಿಸುತ್ತಿದ್ದ ದ್ವಿಚಕ್ರ ವಾಹನವೊಂದು ಮಳೆಯ ಅಬ್ಬರದಿಂದಾಗಿ ರಸ್ತೆಯ ಮೇಲೆ ನಿಯಂತ್ರಣ ಕಳೆದುಕೊಂಡು ಪಕ್ಕಕ್ಕೆ ಬಿದ್ದ ಪರಿಣಾಮ, ಸವಾರ ಅಲ್ಲಭಕ್ಷ ಇಮಾಮಸಾಬ ತಡಕೋಡ (56) ಅವರು ತೀವ್ರವಾಗಿ ಗಾಯಗೊಂಡು ಸ್ಥಳದಲ್ಲೇ ಕೊನೆಯುಸಿರೆಳೆದಿದ್ದಾರೆ. ಮೃತರು ಅಳ್ನಾವರ ತಾಲೂಕಿನ ಕಾಷೆನಟ್ಟಿ ಗ್ರಾಮದ ನಿವಾಸಿಯಾಗಿದ್ದು, ಭಾರಿ ಮಳೆಯಿಂದಾಗಿ ರಸ್ತೆ ಸರಿಯಾಗಿ ಕಾಣಿಸದೇ ಅಥವಾ ಜಾರಿಕೆಯಿಂದಾಗಿ ಈ ಅಪಘಾತ ಸಂಭವಿಸಿರಬಹುದು ಎಂದು ಪ್ರಾಥಮಿಕ ಮಾಹಿತಿಯಿಂದ ತಿಳಿದುಬಂದಿದೆ. ಸ್ಥಳಕ್ಕೆ ಧಾವಿಸಿದ ಪೊಲೀಸರು ಪರಿಶೀಲನೆ ನಡೆಸುತ್ತಿದ್ದು, ಮೃತರ ಕುಟುಂಬಸ್ಥರ ಆಕ್ರಂದನ ಮುಗಿಲು ಮುಟ್ಟಿದೆ.