ಖಾನಾಪುರ ತಾಲ್ಲೂಕಿನ ಪಶ್ಚಿಮ ಭಾಗದ ನಿಲವಾಡೆ ಗ್ರಾಮ ಪಂಚಾಯತ್ ವ್ಯಾಪ್ತಿಯಲ್ಲಿ ಕಾಡಾನೆಗಳ ಹಾವಳಿ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದ್ದು, ರೈತರ ಬೆಳೆಗಳು ಸಂಪೂರ್ಣ ನಾಶವಾಗಿವೆ. ಆನೆಗಳ ಹಾವಳಿಗೆ ಶಾಶ್ವತ ತಡೆಹಾಕದಿದ್ದರೆ ಉಗ್ರ ಹೋರಾಟ ನಡೆಸುವುದಾಗಿ ಎಚ್ಚರಿಕೆ ನೀಡಲಾಗಿದೆ.
ಸುದ್ದಿ: ಖಾನಾಪುರ ತಾಲ್ಲೂಕಿನ ನಿಲವಾಡೆ ಗ್ರಾ.ಪಂ. ವ್ಯಾಪ್ತಿಯ ಅಂಬೋಳಿ ಮತ್ತು ಕಬನಾಳಿ ಗ್ರಾಮಗಳ ಶಿವರಗಳಲ್ಲಿ ಆನೆಗಳ ಹಿಂಡು ರಾತ್ರಿ ದಾಳಿ ನಡೆಸಿ ರಾಮಲಿಂಗ ಸಾವಳಪ್ಪ ನಾಯ್ಕ್, ಲಕ್ಷ್ಮಣ ಮಾನೆ, ಚಾಳೋಬ ಹುಳಣಕರ್ ಹಾಗೂ ಉಮಾಜಿ ಗಾವಡೆ ಮುಂತಾದ ರೈತರ ಭತ್ತ, ಕಬ್ಬು ಮತ್ತು ಬಾಳೆ ಬೆಳೆಗಳನ್ನು ಸಂಪೂರ್ಣವಾಗಿ ಹಾನಿಗೊಳಿಸಿವೆ. ಇದರಿಂದ ತೀವ್ರ ನಷ್ಟಕ್ಕೊಳಗಾಗಿರುವ ರೈತರು ಭಯದ ನೆರಳಿನಲ್ಲಿ ಜೀವನ ಸಾಗಿಸುವಂತಾಗಿದೆ. ತಕ್ಷಣವೇ ಅರಣ್ಯ ಇಲಾಖೆಯು ಆನೆಗಳ ಹಾವಳಿಯನ್ನು ತಡೆಯಬೇಕು ಹಾಗೂ ಲೈಲಾ ಸಕ್ಕರೆ ಕಾರ್ಖಾನೆಯು ಹಾನಿಗೊಳಗಾದ ಪ್ರದೇಶದಿಂದ ಆದಷ್ಟು ಬೇಗ ಕಬ್ಬನ್ನು ಕತ್ತರಿಸಿ ಸಾಗಿಸಬೇಕು ಎಂದು ಒತ್ತಾಯಿಸಲಾಗಿದೆ. ಒಂದು ವೇಳೆ ಅರಣ್ಯ ಇಲಾಖೆ ನಿರ್ಲಕ್ಷ್ಯ ಮುಂದುವರೆಸಿದರೆ, ಮಾಜಿ ಉಪಾಧ್ಯಕ್ಷ ವಿನಾಯಕ ಮುತಗೇಕರ್ ನೇತೃತ್ವದಲ್ಲಿ ಖಾನಾಪುರ ಅರಣ್ಯ ಇಲಾಖೆ ಕಚೇರಿ ಮುಂದೆ ಉಪವಾಸ ಸತ್ಯಾಗ್ರಹ ನಡೆಸಲಾಗುವುದು ಎಂದು ಎಚ್ಚರಿಕೆ ನೀಡಲಾಗಿದೆ.
