ಕಾಮನ್ವೆಲ್ತ್ ಗೇಮ್ಸ್ ಸ್ವಿಮ್ಮಿಂಗ್ ಸ್ಪರ್ಧೆಯಲ್ಲಿ ಭಾರತವನ್ನು ಪ್ರತಿನಿಧಿಸಿ ಫೈನಲ್ ಹಂತಕ್ಕೇರಿ ಐದನೇ ಸ್ಥಾನ ಪಡೆದ ಗ್ರಾಮದ ಉದಯೋನ್ಮುಖ ಈಜುಪಟು ಸ್ವಾತಿಕ್ ನಾರಾಯಣ್ ಪಾಟೀಲ ಅವರನ್ನು ಗ್ರಾಮಸ್ಥರು ಹಾಗೂ ಸೇವಕರು ಅಭಿನಂದಿಸಿ ಗೌರವಿಸಿದರು. ಕೇವಲ ಒಂದು ಸೆಕೆಂಡ್ನಿಂದ ಪದಕ ಕೈತಪ್ಪಿದರೂ ತಮ್ಮ ಛಲ ಬಿಡದೆ ಅಂತರರಾಷ್ಟ್ರೀಯ ಮಟ್ಟದಲ್ಲಿ ದೇಶ ಹಾಗೂ ಗ್ರಾಮದ ಕೀರ್ತಿಯನ್ನು ಎತ್ತಿಹಿಡಿದಿದ್ದಾರೆ.
ಸ್ವಾತಿಕ್ ನಾರಾಯಣ್ ಪಾಟೀಲ ಅಂತರರಾಷ್ಟ್ರೀಯ ಮಟ್ಟದ ಕಾಮನ್ವೆಲ್ತ್ ಸ್ವಿಮ್ಮಿಂಗ್ ಸ್ಪರ್ಧೆಯಲ್ಲಿ ಭಾರತ ತಂಡವನ್ನು ಪ್ರತಿನಿಧಿಸಿ ಅತ್ಯುತ್ತಮ ಸಾಧನೆ ಮಾಡಿದ್ದಾರೆ. ಅತ್ಯಂತ ಕಠಿಣವಾಗಿದ್ದ ಫೈನಲ್ ರೇಸ್ನಲ್ಲಿ ಕೇವಲ ಒಂದು ಸೆಕೆಂಡಿನ ವ್ಯತ್ಯಾಸದಲ್ಲಿ ಪದಕ ತಪ್ಪಿದರೂ, ಜಗತ್ತಿನ ಪ್ರಬಲ ಈಜುಪಟುಗಳಿಗೆ ಪ್ರಬಲ ಪೈಪೋಟಿ ನೀಡಿ ೫ನೇ ಸ್ಥಾನವನ್ನು ತಮ್ಮದಾಗಿಸಿಕೊಂಡಿದ್ದಾರೆ. ವಿದೇಶದ ಮಣ್ಣಿನಲ್ಲಿಯೂ ದೇಶ ಹಾಗೂ ಸ್ವಗ್ರಾಮದ ಹೆಸರನ್ನು ಉನ್ನತ ಮಟ್ಟಕ್ಕೇರಿಸಿದ ಸ್ವಾತಿಕ್ ಅವರ ಈ ಸಾಧನೆಯನ್ನು ಗುರುತಿಸಿ, ಇಂದು ಗ್ರಾಮಸ್ಥರು ಹಾಗೂ ವಿವಿಧ ಸೇವಕರ ಸಮ್ಮುಖದಲ್ಲಿ ಅವರನ್ನು ಆತ್ಮೀಯವಾಗಿ ಸತ್ಕರಿಸಲಾಯಿತು. ಸ್ವಾತಿಕ್ ಅವರ ಈ ಕ್ರೀಡಾ ಸಾಧನೆ ಮುಂದಿನ ಪೀಳಿಗೆಗೆ ಪ್ರೇರಣೆಯಾಗಲಿದೆ ಎಂದು ಮುಖಂಡರು ಹಾರೈಸಿದರು.
ಈ ಸಂದರ್ಭದಲ್ಲಿ ಸೂರಜ್, ಸಾಗರ್, ಮಹಾವೀರ್, ಕೃಷ್ಣಾ, ಪವನ್, ದೀಪಕ್, ಪರಶುರಾಮ್, ಉಮೇಶ್ ಪುರಿ ಹಾಗೂ ಬಾಳಾರಾಮ್ ಪಾಟೀಲ ಸೇರಿದಂತೆ ಹಲವು ಪ್ರಮುಖರು ಉಪಸ್ಥಿತರಿದ್ದರು.
