ಬೆಳಗಾವಿ ಜಿಲ್ಲೆಯ ಹಾರುಗೇರಿ ಸಂತೆ ಮಾರುಕಟ್ಟೆಯಲ್ಲಿ ಮಹಿಳೆಯೊಬ್ಬರ ಕೈಚೀಲದಲ್ಲಿದ್ದ ಲಕ್ಷಾಂತರ ರೂಪಾಯಿ ಮೌಲ್ಯದ ಚಿನ್ನದ ಸರ ಕಳುವಾಗಿದ್ದ ಪ್ರಕರಣವನ್ನು ಪೊಲೀಸರು ಯಶಸ್ವಿಯಾಗಿ ಭೇದಿಸಿದ್ದಾರೆ. ಆರೋಪಿಯನ್ನು ದಸ್ತಗಿರಿ ಮಾಡಿ, ಕಳುವಾಗಿದ್ದ ಬಂಗಾರದ ಸರವನ್ನು ವಶಪಡಿಸಿಕೊಳ್ಳಲಾಗಿದೆ.

ದಿನಾಂಕ 07/10/2026 ರಂದು ಹಾರುಗೇರಿ ಜನತಾ ಪ್ಲಾಟ್‌ನ ಶಾಂತವ್ವ ಅಪ್ಪಾಸಾಬ ಮೋರೆ ಅವರು ಹಾರುಗೇರಿ ಸಂತೆಯಲ್ಲಿ ಬಾಳೆಹಣ್ಣು ಖರೀದಿಸಲು ಹೋದಾಗ, ಅವರ ಚಾಕೋಲೇಟ್ ಕಲರ್ ಪರ್ಸ್‌ನಲ್ಲಿದ್ದ ಅಂದಾಜು 3.50,000/- ರೂಪಾಯಿ ಕಿಮ್ಮತ್ತಿನ ಚಿನ್ನದ ಅವಲಕ್ಕಿ ಸರ ಹಾಗೂ ಹಣವನ್ನು ಕಳ್ಳರು ಕಳವು ಮಾಡಿಕೊಂಡು ಹೋಗಿದ್ದರು. ಈ ಕುರಿತು ಹಾರುಗೇರಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿಕೊಂಡು ತನಿಖೆ ಕೈಗೊಳ್ಳಲಾಗಿದ್ದು, ಪೊಲೀಸ್ ಅಧಿಕಾರಿಗಳ ಮಾರ್ಗದರ್ಶನದಲ್ಲಿ ಹಾರುಗೇರಿ ಪೊಲೀಸರು ಹಾಗೂ ತನಿಖಾ ತಂಡದ ಸದಸ್ಯರು ದಿನಾಂಕ 04/11/2026 ರಂದು ಸುಲೋಚನಾ ಸಿದ್ದಪ್ಪ ಲೋಂಡೆ ಎಂಬಾಕೆಯನ್ನು ವಶಕ್ಕೆ ಪಡೆದುಕೊಂಡು, ಆರೋಪಿತಳ ಕಡೆಯಿಂದ 3,50,000/- ರೂಪಾಯಿ ಮೌಲ್ಯದ ಚಿನ್ನದ ಸರವನ್ನು ವಶಪಡಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದ್ದಾರೆ.