ಗಣೇಶೋತ್ಸವದ ಸಂಭ್ರಮದಲ್ಲಿ ಬಬನ್ ಭೋಬೆ ಮಿತ್ರಮಂಡಳವು ಕೇವಲ ಉತ್ಸವಕ್ಕೆ ಸೀಮಿತಗೊಳ್ಳದೆ, ಬಡ ಮಹಿಳೆಗೆ ಉಚಿತ ನೇತ್ರ ಚಿಕಿತ್ಸೆ ಹಾಗೂ ತುರ್ತು ರಕ್ತದ ವ್ಯವಸ್ಥೆ ಕಲ್ಪಿಸುವ ಮೂಲಕ ಮಾದರಿ ಮೆರೆದಿದೆ. ಸಂಕಷ್ಟದಲ್ಲಿದ್ದವರಿಗೆ ನೆರವಾಗುವ ಮೂಲಕ ಈ ಮಂಡಳಿಯ ಕಾರ್ಯ ಜನಮನ್ನಣೆಗೆ ಪಾತ್ರವಾಗಿದೆ.
ಶ್ರೀ ಗಣೇಶೋತ್ಸವದ ನಿಮಿತ್ಯ ಬಬನ್ ಭೋಬೆ ಮಿತ್ರಮಂಡಳದ ವತಿಯಿಂದ ಬಡ ಮಹಿಳೆಯೊಬ್ಬರಿಗೆ ಉಚಿತ ಕಣ್ಣಿನ ಶಸ್ತ್ರಕ್ರಿಯೆ ಹಾಗೂ ರೋಗಿಗೆ ತುರ್ತಾಗಿ ರಕ್ತದ ವ್ಯವಸ್ಥೆ ಮಾಡುವ ಮೂಲಕ ಸಮಾಜಮುಖಿ ಕಾರ್ಯವನ್ನು ಹಮ್ಮಿಕೊಳ್ಳಲಾಗಿದೆ. ಅನಗೋಳದ ಬಡ ಮಹಿಳೆಯೊಬ್ಬರ ಕಣ್ಣಿನ ಶಸ್ತ್ರಕ್ರಿಯೆಯನ್ನು ಸುಲೋಚನಾ ಆಸ್ಪತ್ರೆಯ ಡಾ. ಪ್ರಸಾದ ಜೀರಗೆ ಅವರು ಸಂಪೂರ್ಣ ಉಚಿತವಾಗಿ ನೆರವೇರಿಸಿದ್ದಾರೆ. ಇದರೊಂದಿಗೆ, ನಿರಂಜನ ಕೇಸರಿಕರ ಅವರ ತುರ್ತು ಚಿಕಿತ್ಸೆಗಾಗಿ ಕೆ.ಎಲ್.ಇ ಆಸ್ಪತ್ರೆಯಲ್ಲಿ ‘ಒ ಪಾಸಿಟಿವ್’ ರಕ್ತದ ವ್ಯವಸ್ಥೆಯನ್ನು ಶ್ರೀ ಶಿವಪ್ರತಿಷ್ಠಾನದ ಅಧ್ಯಕ್ಷ ಕಿರಣ ಗಾವಡೆ ಅವರ ಮುಂದಾಳತ್ವದಲ್ಲಿ ಯಶಸ್ವಿಯಾಗಿ ಮಾಡಲಾಯಿತು. ಈ ಎಲ್ಲಾ ಸಾಮಾಜಿಕ ಕಾರ್ಯಗಳಿಗೆ ಸಹಕರಿಸಿದ ಎಲ್ಲರಿಗೂ ಬಬನ್ ಭೋಬೆ ಧನ್ಯವಾದಗಳನ್ನು ಅರ್ಪಿಸಿದರು. ಈ ಸಂದರ್ಭದಲ್ಲಿ ಶ್ಯಾಮಸುಂದರ ಹಾವಳ್, ಸತೀಶ್ ಸಾಖರದಾಂಡೆ, ಶಿಂಧೆ, ಮಂದಾ ನೇವಗಿ, ಸಂತೋಷ ಪುರೋಹಿತ್ ಸೇರಿದಂತೆ ಹಲವು ಗಣ್ಯರು ಉಪಸ್ಥಿತರಿದ್ದರು.
