ಕಳೆದ 28 ವರ್ಷಗಳಿಂದ ಹಿರಿಯ ನಾಗರಿಕರಿಗೆ ಉಚಿತವಾಗಿ ಆಸರೆ ನೀಡುತ್ತಿರುವ ಬೆಳಗಾವಿಯ ಶಾಂತಾಯಿ ವೃದ್ಧಾಶ್ರಮದ ನೂತನ ಕಾರ್ಯಾಲಯವನ್ನು ಶ್ರೀಮತಿ ಕಸ್ತೂರಿ ಭರಮಣಿ ಉದ್ಘಾಟಿಸಿದರು. ಈ ವೇಳೆ ಡಿಸಿಪಿ ನಾರಾಯಣ ಭರಮಣಿ ಸೇರಿದಂತೆ ಸಂಸ್ಥೆಯ ಹಲವು ಹಿತೈಷಿಗಳು ಭಾಗವಹಿಸಿ ಆಶ್ರಮದ ಸಾಮಾಜಿಕ ಸೇವೆಯನ್ನು ಶ್ಲಾಘಿಸಿದರು.

ಬೆಳಗಾವಿಯ ಶಾಂತಾಯಿ ವೃದ್ಧಾಶ್ರಮದ (ಸೆಕೆಂಡ್ ಚೈಲ್ಡ್‌ಹುಡ್) ನೂತನ ಕಾರ್ಯಾಲಯದ ಉದ್ಘಾಟನಾ ಸಮಾರಂಭವು ಅದ್ಧೂರಿಯಾಗಿ ಜರುಗಿತು. ಕಾರ್ಯಕ್ರಮದಲ್ಲಿ ಶ್ರೀಮತಿ ಕಸ್ತೂರಿ ನಾರಾಯಣ ಭರಮಣಿ ಅವರು ನೂತನ ಕಾರ್ಯಾಲಯವನ್ನು ಉದ್ಘಾಟಿಸಿದರು. ಮುಖ್ಯ ಅತಿಥಿಗಳಾಗಿ ಆಗಮಿಸಿದ್ದ ನಗರದ ಡಿಸಿಪಿ ಶ್ರೀ ನಾರಾಯಣ ಭರಮಣಿ ಅವರು ಮಾತನಾಡಿ, ಕಳೆದ 28 ವರ್ಷಗಳಿಂದ ಹಿರಿಯ ನಾಗರಿಕರಿಗೆ ಯಾವುದೇ ಶುಲ್ಕ ಪಡೆಯದೇ ವಸತಿ, ಆಹಾರ ಮತ್ತು ಕುಟುಂಬದ ವಾತಾವರಣ ನೀಡಿ ಆರೈಕೆ ಮಾಡುತ್ತಿರುವ ಶಾಂತಾಯಿ ವೃದ್ಧಾಶ್ರಮದ ಸೇವೆ ಅನನ್ಯವಾದುದ್ದು ಎಂದರು. ಜೊತೆಗೆ ಬೆಳಗಾವಿ ನಗರದ ಅಭಿವೃದ್ಧಿ ಹಾಗೂ ಸಮಾಜ ಸೇವೆಗೆ ಮಾಜಿ ಮೇಯರ್ ವಿಜಯ ಮೋರೆ ಅವರ ಕೊಡುಗೆ ಅಪಾರ ಎಂದು ಬಣ್ಣಿಸಿದರು.

ಕಾರ್ಯಕ್ರಮದ ನೆನಪಿಗಾಗಿ ವೃದ್ಧಾಶ್ರಮದ ಹಿರಿಯ ಜೀವಗಳು (ಅಜ್ಜ-ಅಜ್ಜಿಯರು) ಡಿಸಿಪಿ ನಾರಾಯಣ ಭರಮಣಿ ಹಾಗೂ ಶ್ರೀಮತಿ ಕಸ್ತೂರಿ ಭರಮಣಿ ಅವರನ್ನು ಗೌರವಪೂರ್ವಕವಾಗಿ ಸನ್ಮಾನಿಸಿದರು. ಈ ಸಂದರ್ಭದಲ್ಲಿ ಶಾಂತಾಯಿ ವೃದ್ಧಾಶ್ರಮದ ಮಾಜಿ ಮೇಯರ್ ವಿಜಯ ಮೋರೆ, ವಿಜಯ ಪಾಟೀಲ್, ಶ್ರೀಮತಿ ಮಾರಿಯಾ ಮೋರೆ, ವಿಜಯ ಕೋಟಿ, ಅಲಾನ್ ವಿಜಯ ಮೋರೆ, ಸಂತೋಷ ಮಾಮದಾಪುರ, ಪ್ರಸಾದ್ ಮೈಸೂರು, ಉಮೇಶ್ ಕಳಗಟಗಿ ಸೇರಿದಂತೆ ಆಶ್ರಮದ ಹಿರಿಯ ನಾಗರಿಕರು ಹಾಗೂ ಹಲವು ಗಣ್ಯರು ಉಪಸ್ಥಿತರಿದ್ದರು.