ಖಾನಾಪುರದ ಮರಾಠಾ ಮಂಡಳ ಹೈಯರ್ ಸೆಕೆಂಡರಿ ಹೈಸ್ಕೂಲ್ನಲ್ಲಿ ಸುದೀರ್ಘ ಸೇವೆ ಸಲ್ಲಿಸಿ ನಿವೃತ್ತರಾದ ಹಿರಿಯ ಶಿಕ್ಷಕರು ಹಾಗೂ ಸಿಬ್ಬಂದಿಗೆ ಸಂಸ್ಥೆಯ ವತಿಯಿಂದ ಭವ್ಯ ಸನ್ಮಾನ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿತ್ತು. ನಾಲ್ವರು ಸಹಪಾಠಿಗಳು ಒಂದೇ ಶಾಲೆಯಲ್ಲಿ ಸೇವೆ ಸಲ್ಲಿಸಿ ಒಟ್ಟಿಗೆ ನಿವೃತ್ತಿ ಹೊಂದುತ್ತಿರುವ ಅಪರೂಪದ ಕ್ಷಣಕ್ಕೆ ಈ ಸಮಾರಂಭ ಸಾಕ್ಷಿಯಾಯಿತು.
ಖಾನಾಪುರದ ಮರಾಠಾ ಮಂಡಳ ಹೈಯರ್ ಸೆಕೆಂಡರಿ ಹೈಸ್ಕೂಲ್ನ ಹಿರಿಯ ಶಿಕ್ಷಕರಾದ ಜೆ.ಡಿ. ಬಿರ್ಜೆ, ಎಸ್.ಡಿ. ಗುರವ್ ಮತ್ತು ಜವಾನ ಪ್ರತಾಪ್ ದೇವಳಿ ಅವರ ನಿವೃತ್ತಿ ಪ್ರಯುಕ್ತ ಸನ್ಮಾನ ಸಮಾರಂಭ ಜರುಗಿತು. ಸಂಸ್ಥೆಯ ಹಿರಿಯ ನಿರ್ದೇಶಕ ಪರಶರಾಮ್ ಗುರವ್ ಅಧ್ಯಕ್ಷತೆ ವಹಿಸಿದ್ದ ಈ ಕಾರ್ಯಕ್ರಮದಲ್ಲಿ, ನಿರ್ದೇಶಕ ಶಿವಾಜಿರಾವ್ ಪಾಟೀಲ್ ಮುಖ್ಯ ಅತಿಥಿಗಳಾಗಿ ಪಾಲ್ಗೊಂಡು ಸತ್ಕಾರಮೂರ್ತಿಗಳಿಗೆ ಶಾಲು ಹೊದಿಸಿ, ಶ್ರೀಫಲ ನೀಡಿ ಗೌರವಿಸಿದರು. ಕಾರ್ಯಕ್ರಮದ ಆರಂಭದಲ್ಲಿ ಶ್ರೀಮತಿ ಎಲ್. ಬಿ. ಜಾಧವ್ ಪ್ರಾಸ್ತಾವಿಕವಾಗಿ ಮಾತನಾಡಿದರೆ, ಮುಖ್ಯೋಪಾಧ್ಯಾಯ ಕೆ. ವಿ. ಕುಲಕರ್ಣಿ ಸ್ವಾಗತ ಕೋರಿದರು. ಈ ವೇಳೆ ತಾವೆಲ್ಲರೂ ಸಹಪಾಠಿಗಳಾಗಿದ್ದು, ಒಟ್ಟಿಗೆ ನಿವೃತ್ತಿ ಹೊಂದುತ್ತಿರುವುದು ಅಪರೂಪ್ ಯೋಗ ಎಂದು ಕುಲಕರ್ಣಿ ಭಾವುಕರಾದರು. ಸನ್ಮಾನ ಸ್ವೀಕರಿಸಿ ಮಾತನಾಡಿದ ಜೆ.ಡಿ. ಬಿರ್ಜೆ, ಸಂಸ್ಥೆಯ ಸಂಸ್ಥಾಪಕ ಕೈ. ನಾಥಾಜೀರಾವ್ ಗುರುಅಣ್ಣಾ ಹಲಗೇಕರ್ ಹಾಗೂ ಹಾಲಿ ಅಧ್ಯಕ್ಷೆ ಡಾ. ರಾಜಶ್ರೀತಾಯಿ ನಾಗರಾಜು ಅವರ ಪ್ರೋತ್ಸಾಹದಿಂದಾಗಿ ಉತ್ತಮವಾಗಿ ವಿದ್ಯಾರ್ಥಿಗಳನ್ನು ರೂಪಿಸಲು ಸಾಧ್ಯವಾಯಿತು ಎಂದರು. ಮತ್ತೊಬ್ಬ ಸತ್ಕಾರಮೂರ್ತಿ ಎಸ್.ಡಿ. ಗುರವ್ ತಮ್ಮ ವೃತ್ತಿಜೀವನದ ಪ್ರಾಮಾಣಿಕ ಸೇವೆಯನ್ನು ಸ್ಮರಿಸಿದರು. ಜಿಜಾಮಾತಾ ಹೈಸ್ಕೂಲ್ ಮುಖ್ಯೋಪಾಧ್ಯಾಯ ಎನ್. ಡಿ. ಪಾಟೀಲ್ ಸಮರ್ಪಕ ವಿಚಾರ ಮಂಡಿಸಿದರು. ಸಮಾರಂಭದಲ್ಲಿ ಶ್ರೀಮತಿ ಎಲ್.ಜಿ. ಪಾಟೀಲ್, ಶ್ರೀಮತಿ ಎನ್. ಕೆ. ಕಿಲ್ಲೇಕರ್, ಸಂಭಾಜಿ, ಸಾವಂತ್, ಕದಮ್, ಮೇಲಗೆ, ತಾರಾರಾಣಿ ಶಾಲೆಯ ಮುಖ್ಯೋಪಾಧ್ಯಾಯ ಆರ್.ಎನ್. ಜಾಧವ್, ಎ. ಎನ್. ದೇಸಾಯಿ ಸೇರಿದಂತೆ ಸಹಾಯಕ ಶಿಕ್ಷಕರು, ಪಾಲಕರು ಹಾಗೂ ವಿದ್ಯಾರ್ಥಿಗಳು ಉಪಸ್ಥಿತರಿದ್ದರು. ಎಸ್. ಬಿ. ಭಾತ್ಕಾಂಡೆ ಕಾರ್ಯಕ್ರಮ ನಿರೂಪಿಸಿದರು, ಆರ್. ಟಿ. ಟಿಕೇಕರ್ ಸತ್ಕಾರಮೂರ್ತಿಗಳನ್ನು ಪರಿಚಯಿಸಿದರು ಮತ್ತು ರೇಖಾ ಲಕ್ಕೆಬೈಲ್ಕರ್ ವಂದನಾರ್ಪಣೆ ಮಾಡಿದರು.
