• ಶಾಸಕ ವಿಠ್ಠಲ ಹಲಗೇಕರ ಅವರಿಂದ ಮಾನವೀಯತೆ ಮೆರೆದಾಟ
• ಬೇಕವಾಡ ಗ್ರಾಮದ ರೋಗಿಯ ಚಿಕಿತ್ಸೆಗೆ ಆಸರೆ
• ಸಂಕಷ್ಟದಲ್ಲಿದ್ದ ರಾಧಿಕಾ ಪಾಟೀಲರಿಗೆ ಧನಸಹಾಯದ ಹಸ್ತ
• ಗೃಹ ಕಚೇರಿಯಲ್ಲೇ ನೆರವಿಗೆ ಧಾವಿಸಿದ ಶಾಸಕರು

ಖಾನಾಪುರ ಶಾಸಕ ಹಾಗೂ ಮಹಾಲಕ್ಷ್ಮೀ ಗ್ರೂಪ್ ಸಂಸ್ಥಾಪಕ ಅಧ್ಯಕ್ಷರಾದ ವಿಠ್ಠಲ ಹಲಗೇಕರ ಅವರು ಮಾನವೀಯತೆ ಮೆರೆದಿದ್ದಾರೆ. ಬೇಕವಾಡ ಗ್ರಾಮದ ರಮೇಶ್ ಪಾಟೀಲ ಎಂಬುವವರ ಆರೋಗ್ಯ ಸ್ಥಿತಿ ಹದಗೆಟ್ಟಿರುವ ವಿಷಯವನ್ನು ಅವರ ಪತ್ನಿ ರಾಧಿಕಾ ಪಾಟೀಲ ಅವರು ಶಾಸಕರ ಗಮನಕ್ಕೆ ತಂದು, ತಮ್ಮ ಅಳಲನ್ನು ತೋಡಿಕೊಂಡರು.
ಆರ್ಥಿಕ ನೆರವಿನ ನಿರೀಕ್ಷೆಯೊಂದಿಗೆ ಬಂದಿದ್ದ ಆ ಮಹಿಳೆಯ ಮನವಿಗೆ ತಕ್ಷಣವೇ ಸ್ಪಂದಿಸಿದ ಶಾಸಕರು, ಚಿಕಿತ್ಸೆಗೆ ಅಗತ್ಯವಿರುವ ಹಣದ ಬಗ್ಗೆ ವಿಚಾರಿಸಿದರು. ಕೂಡಲೇ ಅವರು ಕೇಳಿದಂತೆ 20,000 ರೂಪಾಯಿಗಳ ಧನಸಹಾಯ ನೀಡಿ ಆಸರೆಯಾದರು. ಬೆಳ್ಳಂಬೆಳಿಗ್ಗೆ ತಮ್ಮ ಗೃಹ ಕಚೇರಿಯಲ್ಲಿ ಜನಸಾಮಾನ್ಯರ ಸಮಸ್ಯೆಗಳನ್ನು ಆಲಿಸಲು ಕುಳಿತಿದ್ದ ಶಾಸಕರಿಗೆ ಎದುರಾದ ಮೊದಲ ಮನವಿಯೇ ಇದಾಗಿದ್ದು, ತಡಮಾಡದೆ ಸ್ಪಂದಿಸುವ ಮೂಲಕ ವಿಠ್ಠಲ ಹಲಗೇಕರ ಅವರು ಸಾರ್ವಜನಿಕರ ಮೆಚ್ಚುಗೆಗೆ ಪಾತ್ರರಾಗಿದ್ದಾರೆ.