ಬೆಳಗಾವಿ ಕೆಎಲ್ಇ ಸೆಂಟೆನರಿ ಚಾರಿಟೇಬಲ್ ಆಸ್ಪತ್ರೆಯಲ್ಲಿ ಮುನ್ನಡೆಯ ಮೂತ್ರಪಿಂಡ ಕಾಯಿಲೆಯಿಂದ ಬಳಲುತ್ತಿದ್ದ ರೋಗಿಗೆ ಯಶಸ್ವಿಯಾಗಿ ಕಿಡ್ನಿ ಶಸ್ತ್ರಚಿಕಿತ್ಸೆ ನೆರವೇರಿಸಲಾಗಿದೆ ಎಂದು ಕೆಎಲ್ಇ ಗೌರವ ಕಾರ್ಯಾಧ್ಯಕ್ಷ ಡಾ. ಪ್ರಭಾಕರ ಕೋರೆ ಹೇಳಿದರು.

ಬುಧವಾರ ಬೆಳಗಾವಿಯಲ್ಲಿ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದರು. 67 ವರ್ಷದ ಪುರುಷ ರೋಗಿಗೆ ಡಯಾಬಿಟಿಕ್ ಕಿಡ್ನಿ ಕಾಯಿಲೆಯಿಂದ ಉಂಟಾದ ಅಂತಿಮ ಹಂತದ ಮೂತ್ರಪಿಂಡ ವೈಫಲ್ಯ ಕಂಡುಬಂದಿತ್ತು. ಶಸ್ತ್ರಚಿಕಿತ್ಸೆಗೆ ಮುನ್ನ ಅವರ ಸೀರಮ್ ಕ್ರಿಯಾಟಿನಿನ್ ಕಡಿಮೆ ಆಗಿತ್ತು. ಸಂಪೂರ್ಣ ವೈದ್ಯಕೀಯ ಪರಿಶೀಲನೆ ನಡೆಸಿದ ಬಳಿಕ ಸೂಕ್ತ ಯೋಜನೆಯೊಂದಿಗೆ ಕಿಡ್ನಿ ಟ್ರಾನ್ಸ್‌ಪ್ಲಾಂಟ್ ನೆರವೇರಿಸಲಾಯಿತು ಎಂದರು.
ಡಾ. ರಾಜೇಂದ್ರ ನೇರಲಿ ಮಾತನಾಡು, ರೋಗಿಯ 47 ವರ್ಷದ ಮಗಳು ದಾನಿಯಾಗಿ ಮೂತ್ರಪಿಂಡ ನೀಡಿದ್ದು, ಜೀವಂತ ಸಂಬಂಧಿಕರಿಂದ ಅಂಗದಾನದ ಮಹತ್ವವನ್ನು ಇದು ಮತ್ತೊಮ್ಮೆ ಸಾಬೀತುಪಡಿಸಿದೆ.
ಯೂರಾಲಜಿ ವಿಭಾಗದ ಮುಖ್ಯಸ್ಥರಾದ ಡಾ. ಆರ್. ಬಿ. ನೆರ್ಳಿ ಅವರ ನೇತೃತ್ವದ ವೈದ್ಯಕೀಯ ತಂಡ ಶಸ್ತ್ರಚಿಕಿತ್ಸೆಯನ್ನು ಯಶಸ್ವಿಯಾಗಿ ನೆರವೇರಿಸಿದೆ. ನೆಫ್ರಾಲಜಿ ಸೇವೆಯನ್ನು ಡಾ. ಅಂಜನೇಯ ಯಾದೂರು ಮುನ್ನಡೆಸಿದರೆ, ಅನಸ್ಥೀಷಿಯಾ ತಂಡದಲ್ಲಿ ಡಾ. ಸುರೇಶ್ ಎಸ್.ಎನ್ ಮತ್ತು ಡಾ. ನಿಲೀವೇಗಿ ಕಾರ್ಯನಿರ್ವಹಿಸಿದರು.

ಶಸ್ತ್ರಚಿಕಿತ್ಸೆ ಯಾವುದೇ ಅಡಚಣೆ ಇಲ್ಲದೆ ಪೂರ್ಣಗೊಂಡಿದ್ದು, ಹೊಸ ಮೂತ್ರಪಿಂಡ ತಕ್ಷಣವೇ ಕಾರ್ಯನಿರ್ವಹಣೆ ಆರಂಭಿಸಿದೆ. ರಕ್ತಪ್ರವಾಹ ಪುನಃಾರಂಭವಾದ ತಕ್ಷಣವೇ ಉತ್ತಮ ಪ್ರಮಾಣದ ಮೂತ್ರ ಹೊರಹೋಗುವಿಕೆ ಕಂಡುಬಂದಿದೆ.
ಶಸ್ತ್ರಚಿಕಿತ್ಸೆಯ ನಂತರ ರೋಗಿಯ ಆರೋಗ್ಯದಲ್ಲಿ ಗಮನಾರ್ಹ ಸುಧಾರಣೆ ಕಂಡುಬಂದಿದ್ದು, ಸೀರಮ್ ಕ್ರಿಯಾಟಿನಿನ್ ಮಟ್ಟ 0.9 mg/dLಗೆ ಇಳಿದಿದೆ. ರೋಗಿ ಸ್ಥಿರವಾಗಿದ್ದು, ವೈದ್ಯಕೀಯ ಮೇಲ್ವಿಚಾರಣೆಯಲ್ಲಿ ಚೇತರಿಸಿಕೊಳ್ಳುತ್ತಿದ್ದಾರೆ.

ಯೂರಾಲಜಿ ತಂಡದ ಡಾ. ಅಮೇಯ್ ಪಠಾಡೆ, ಡಾ. ಶಿಶಿರ್ ದೇವರಾಜ್ ಮತ್ತು ಡಾ. ದರ್ಶನ ಸೇರಿದಂತೆ ಇತರ ವೈದ್ಯರು ಸಹ ಶಸ್ತ್ರಚಿಕಿತ್ಸೆಯಲ್ಲಿ ಪ್ರಮುಖ ಪಾತ್ರವಹಿಸಿದರು. ಅನಸ್ಥೀಷಿಯಾ ತಂಡವು ಶಸ್ತ್ರಚಿಕಿತ್ಸೆಯ ಅವಧಿಯಲ್ಲಿ ಸುರಕ್ಷಿತ ಆರೈಕೆಯನ್ನು ಒದಗಿಸಿತು ಎಂದರು.
ಗ್ರಾಫ್ಟ್ ಸ್ವೀಕಾರ ಉತ್ತಮವಾಗಿರಲು ಅಗತ್ಯವಾದ ಇಮ್ಯುನೋಸಪ್ರೆಸ್ಸಿವ್ ಔಷಧೋಪಚಾರ ಆರಂಭಿಸಲಾಗಿದ್ದು, ಸೋಂಕು ತಡೆ ಕ್ರಮಗಳೊಂದಿಗೆ ಸಮಗ್ರ ಆರೈಕೆ ನೀಡಲಾಗುತ್ತಿದೆ. ದಾನಿ ಮತ್ತು ರೋಗಿ ಇಬ್ಬರೂ ಉತ್ತಮವಾಗಿ ಚೇತರಿಸಿಕೊಳ್ಳುತ್ತಿದ್ದಾರೆ.
ಮೂತ್ರಪಿಂಡ ಪ್ರತಿರೋಪಣವು ಅಂತಿಮ ಹಂತದ ಕಿಡ್ನಿ ಕಾಯಿಲೆ ರೋಗಿಗಳಿಗೆ ಪರಿಣಾಮಕಾರಿ ಚಿಕಿತ್ಸೆಯಾಗಿ ಪರಿಣಮಿಸಿದ್ದು, ದೀರ್ಘಕಾಲದ ಡಯಾಲಿಸಿಸ್‌ಗೆ ಹೋಲಿಸಿದರೆ ಉತ್ತಮ ಜೀವನಮಟ್ಟ ಮತ್ತು ಜೀವಿತಾವಧಿ ನೀಡುತ್ತದೆ ಎಂದರು.