ಕ್ಯಾಪಿಟಲ್ ಒನ್ ಆಯೋಜಿಸಿದ್ದ ಶೈಕ್ಷಣಿಕ ಉಪಕ್ರಮದ ಭಾಗವಾಗಿ ಸತತ 17ನೇ ವರ್ಷಕ್ಕೆ ಆಯೋಜಿಸಲಾದ ಎಸ್ಎಸ್ಎಲ್ಸಿ ಉಪನ್ಯಾಸ ಮಾಲೆಯ ಉದ್ಘಾಟನಾ ಸಮಾರಂಭವು ಬೆಳಗಾವಿಯ ಕ್ಯಾಂಪನಲ್ಲಿರುವ ಜ್ಯೋತಿ ಮಹಾವಿದ್ಯಾಲಯದಲ್ಲಿ ಯಶಸ್ವಿಯಾಗಿ ನೆರವೇರಿತು.

ಈ ಸಂದರ್ಭದಲ್ಲಿ ಮುಖ್ಯ ಅತಿಥಿಗಳಾಗಿದ್ದ ದಕ್ಷಿಣ ಮಹಾರಾಷ್ಟ್ರ ಶಿಕ್ಷಣ ಮಂಡಳಿಯ ಕಾರ್ಯದರ್ಶಿಗಳಾದ ವಿಕ್ರಮ್ ಪಾಟೀಲ್ ಅವರು, 10ನೇ ತರಗತಿಯ ವಿದ್ಯಾರ್ಥಿಗಳಿಗೆ ಮುಂದಿನ ಶಿಕ್ಷಣಕ್ಕಾಗಿ ಕೌನ್ಸೆಲಿಂಗನ ಅನಿವಾರ್ಯ ಅಗತ್ಯವಿದೆ ಎಂದು ಹೇಳಿ, ಸಂಸ್ಥೆಯ ಉಪಕ್ರಮವನ್ನು ಶ್ಲಾಘಿಸಿದರು.
ಈ ಸಂದರ್ಭದಲ್ಲಿ ನಿರ್ದೇಶಕ ಶರದ್ ಪಾಟೀಲ್, ಮರಾಠಿ ವಿಷಯದ ಉಪನ್ಯಾಸಕರಾದ ಸಿ. ವೈ. ಪಾಟೀಲ್ ಮತ್ತು ಬಿ. ಎಂ. ಪಾಟೀಲ್, ಕಳೆದ ವರ್ಷದ ಯಶಸ್ವಿ ವಿದ್ಯಾರ್ಥಿ ಆಶುತೋಷ್ ದೇಸುರ್ಕರ್ ಮತ್ತು ಸಂಸ್ಥೆಯ ಅಧ್ಯಕ್ಷರಾದ ಶಿವಾಜಿರಾವ್ ಹಂಡೆ ಅವರು ಉಪಸ್ಥಿತರಿದ್ದರು.
ಸಂಸ್ಥೆಯ ಅಧ್ಯಕ್ಷರಾದ ಶಿವಾಜಿರಾವ್ ಹಂಡೆ ಅವರು ಸ್ವಾಗತಿಸಿ ಪ್ರಾಸ್ತಾವಿಕ ನುಡಿಗಳನ್ನಾಡಿದರು. ಅಲ್ಲದೆ, ವಿದ್ಯಾರ್ಥಿಗಳಿಗೆ ಉಪನ್ಯಾಸ ಮಾಲೆಯ ಮಹತ್ವ ಮತ್ತು ಈ ಉಪಕ್ರಮದ ಹಿಂದಿನ ಸಂಸ್ಥೆಯ ಉದ್ದೇಶದ ಬಗ್ಗೆ ಮಾಹಿತಿ ನೀಡಿದರು. ಅವರು ಮುಂದುವರಿದು, ವಿದ್ಯಾರ್ಥಿಗಳು ನಿರ್ಭೀತರಾಗಿ ಪರೀಕ್ಷೆಯನ್ನು ಎದುರಿಸಬೇಕು. ಇದು ಜೀವನಕ್ಕೆ ತಿರುವು ನೀಡುವ ಪರೀಕ್ಷೆಯಾಗಿದ್ದು, ಇದರಲ್ಲಿ ಸಂಪೂರ್ಣವಾಗಿ ತೊಡಗಿಸಿಕೊಂಡು ತಮ್ಮ ಜೀವನದ ಯಶಸ್ವಿ ಮಾರ್ಗವನ್ನು ಆರಂಭಿಸಬೇಕು ಎಂದರು.
ಈ ಕಾರ್ಯಕ್ರಮದಲ್ಲಿ ಸಂಸ್ಥೆಯ ನಿರ್ದೇಶಕರು, ಪೋಷಕರು ಮತ್ತು ಸಿಬ್ಬಂದಿ ವರ್ಗದವರು ಹಾಜರಿದ್ದರು.
ಕಾರ್ಯಕ್ರಮದ ನಿರೂಪಣೆಯನ್ನು ಸಿ. ವೈ. ಪಾಟೀಲ್ ಅವರು ನಡೆಸಿಕೊಟ್ಟರು ಮತ್ತು ಶರದ್ ಪಾಟೀಲ್ ಅವರ ವಂದನಾರ್ಪಣೆಯೊಂದಿಗೆ ಉದ್ಘಾಟನಾ ಕಾರ್ಯಕ್ರಮವು ಮುಕ್ತಾಯಗೊಂಡು, ಉಪನ್ಯಾಸ ಮಾಲೆಗೆ ಚಾಲನೆ ನೀಡಲಾಯಿತು.