ಬೆಳಗಾವಿ: ಚೋರ್ಲಾ-ಗೋವಾ ರಸ್ತೆಯ ಚೋರ್ಲಾ ಸಮೀಪದ ಕರ್ನಾಟಕ ಗಡಿಯ ಬಳಿ ಕಳೆದ ಒಂದೂವರೆ ತಿಂಗಳಿನಿಂದ ಒಂದು ಟ್ರಕ್ ಕೈಬಿಟ್ಟ ಸ್ಥಿತಿಯಲ್ಲಿ ಬಿದ್ದಿರುವುದು ಸಾರ್ವಜನಿಕರಲ್ಲಿ ಹಲವು ಪ್ರಶ್ನೆಗಳನ್ನು ಹುಟ್ಟುಹಾಕಿದೆ.
ಈ ಟ್ರಕ್ ಕಸದಿಂದ ತುಂಬಿದ್ದು, ಅದರ ಮೇಲೆ ಟಾರ್ಪಾಲಿನ್ (ತಾಡಪತ್ರಿ) ಅನ್ನು ಮುಚ್ಚಲಾಗಿದೆ. ಇಷ್ಟು ದೀರ್ಘ ಕಾಲದಿಂದ ರಸ್ತೆಯ ಬದಿಯಲ್ಲಿ ಹೀಗೆಯೇ ಟ್ರಕ್ ನಿಂತಿರುವುದು ಸಂಚಾರಕ್ಕೆ ಅಡಚಣೆಯ ಜೊತೆಗೆ ಅನುಮಾನಕ್ಕೂ ಕಾರಣವಾಗಿದೆ. ಇದು ಯಾರಿಗೆ ಸೇರಿದ ಟ್ರಕ್, ಮತ್ತು ಏಕೆ ಅದನ್ನು ಇಲ್ಲಿ ಕೈಬಿಡಲಾಗಿದೆ ಎಂಬುದು ತಿಳಿದುಬಂದಿಲ್ಲ. ಕಸದಿಂದ ತುಂಬಿರುವ ಈ ಟ್ರಕ್ ಆರೋಗ್ಯದ ದೃಷ್ಟಿಯಿಂದಲೂ ಸಮಸ್ಯೆಯನ್ನುಂಟು ಮಾಡುವ ಸಾಧ್ಯತೆ ಇದೆ. ಹೀಗಾಗಿ, ಈ ಬಗ್ಗೆ ಸಂಬಂಧಪಟ್ಟ ಇಲಾಖೆಗಳು ಹಾಗೂ ಅಧಿಕಾರಿಗಳು ಕೂಡಲೇ ಗಮನಹರಿಸಿ, ಟ್ರಕ್ ಅನ್ನು ತೆರವುಗೊಳಿಸುವ ಹಾಗೂ ಅದಕ್ಕೆ ಕಾರಣರಾದವರ ಬಗ್ಗೆ ತನಿಖೆ ನಡೆಸುವರೇ ಎಂಬುದನ್ನು ಕಾದು ನೋಡಬೇಕಿದೆ. ಈ ಟ್ರಕ್ ಬಗ್ಗೆ ಅಧಿಕಾರಿಗಳು ಗಮನಹರಿಸುವರೇ ಎಂಬುದು ಸ್ಥಳೀಯರು ಹಾಗೂ ಪ್ರಯಾಣಿಕರ ಪ್ರಮುಖ ಪ್ರಶ್ನೆಯಾಗಿದೆ.
