ಬೆಳಗಾವಿ : ಕನ್ನಡ ನುಡಿ, ನಾಡು, ನೆಲದ ಕಾಪಾಡುವ ನಿಟ್ಟಿನಲ್ಲಿ ಬೆಳಗಾವಿಯಲ್ಲಿ ಇಂದು ಕರ್ನಾಟಕ ರಕ್ಷಣಾ ವೇದಿಕೆ ಯುವ ಸೇನೆಯ ಜಿಲ್ಲಾ ಮಟ್ಟದ ಪದಾಧಿಕಾರಿಗಳ ಆಯ್ಕೆ ಸಭೆ ನಗರದ ವಿಶ್ರಾಂತಿ ಭವನದಲ್ಲಿ ಜರುಗಿತು. ಈ ಸಭೆಯಲ್ಲಿ ಬಾಳಪ್ಪಾ ಗುಡಗೇನಟ್ಟಿ ಅವರ ನೇತೃತ್ವದಲ್ಲಿ ಆಯಾ ತಾಲೂಕುಗಳ ಪದಾಧಿಕಾರಿಗಳನ್ನು ಆಯ್ಕೆ ಮಾಡುವ ಉದ್ದೇಶದಿಂದ ಸಭೆ ನಡೆಸಲಾಯಿತು.

ಈ ಮಹತ್ವದ ಸಭೆಯಲ್ಲಿ ಬೆಳಗಾವಿ ಜಿಲ್ಲಾದ್ಯಂತ ನೂರಾರು ಕರ್ನಾಟಕ ರಕ್ಷಣಾ ವೇದಿಕೆ ಯುವ ಸೇನೆಯ ಕಾರ್ಯಕರ್ತರು, ಹೋರಾಟಗಾರರು ಹಾಗೂ ಪದಾಧಿಕಾರಿಗಳು ಉಪಸ್ಥಿತರಿದ್ದರು. ಬೆಳಗಾವಿ ಜಿಲ್ಲಾ ಘಟಕದ ಜಿಲ್ಲಾಧ್ಯಕ್ಷರಾಗಿರುವ ಬಾಳಪ್ಪಾ ಗುಡಗೇನಟ್ಟಿ, ಜಿಲ್ಲಾ ಕಾರ್ಯದರ್ಶಿಯಾಗಿ ನೇಮಕಗೊಂಡ ನಿರುಪಾದ್ ಚಂಡಿಕಿ, ಮಹಿಳಾ ನಗರಾಧ್ಯಕ್ಷೆಯಾಗಿ ಅಂಜಲಿ ಮ. ಬೆಳವಡಿ, ತಾಲೂಕು ಅಧ್ಯಕ್ಷರಾಗಿ ಬಾಳೇಶ್ ಪಾಟೀಲ್ ಹಾಗೂ ಇನ್ನುಳಿದ ತಾಲೂಕು ಹಾಗೂ ನಗರ ಶಾಖೆಗಳಿಗೆ ಪದಾಧಿಕಾರಿಗಳನ್ನು ನೇಮಕ ಮಾಡಿ ಆದೇಶ ನೀಡಲಾಯಿತು. ಸಭೆಯಲ್ಲಿ ಪ್ರಮುಖ ನಾಯಕರು ಪಾಲ್ಗೊಂಡು ಸಂಘಟನೆಯ ಬಲವರ್ಧನೆಗೆ ನವಚೇತನ ನೀಡುವ ಸಲಹೆಗಳನ್ನು ನೀಡಿದರು.

ಸಭೆಯಲ್ಲಿ ಮಾತನಾಡಿದ ಬಾಳಪ್ಪಾ ಗುಡಗೇನಟ್ಟಿ, “ನಮ್ಮ ಹೋರಾಟ ಯಾವತ್ತೂ ಶಿಸ್ತಿನ, ಸಂಯಮದ ಹಾಗೂ ಜನಪರ ಧೋರಣೆಯತ್ತ ಇರಬೇಕು. ಯುವಶಕ್ತಿ ಸಂಘಟಿತವಾಗಿರುವಾಗ ಮಾತ್ರ ನಾಡಿನ ಧ್ವನಿ ಪ್ರಬಲವಾಗುತ್ತದೆ,” ಎಂದು ಹೇಳಿದರು. ಈ ಸಂದರ್ಭ ಜಿಲ್ಲೆಯ ವಿವಿಧ ತಾಲೂಕುಗಳು ಹಾಗೂ ಗ್ರಾಮಗಳಲ್ಲಿ ಇರುವ ಮೂಲಭೂತ ಸೌಕರ್ಯಗಳ ಕೊರತೆಯ ಕುರಿತಂತೆ ಚರ್ಚಿಸಲಾಯಿತು. ಸಂಬಂಧಪಟ್ಟ ಅಧಿಕಾರಿಗಳ ಗಮನ ಸೆಳೆದು ಸಮಸ್ಯೆಗಳನ್ನು ಪರಿಹರಿಸಬೇಕೆಂಬ ನಿರ್ಧಾರ ಕೈಗೊಳ್ಳಲಾಯಿತು.

ಸಲಹೆಗಾರ ಸತೀಶ್ ಗುಡಗೇನಟ್ಟಿ ಅವರ ಭಾಷಣ:

ಸಭೆಯಲ್ಲಿ ಸಲಹೆಗಾರರಾಗಿ ಮಾತನಾಡಿದ ಸತೀಶ್ ಗುಡಗೇನಟ್ಟಿ, “ಕರ್ನಾಟಕ ರಕ್ಷಣಾ ವೇದಿಕೆ ಯುವ ಸೇನೆ ಕೇವಲ ಯುವಕರ ಸಂಘವಲ್ಲ; ಇದು ನಾಡು, ನುಡಿ ಹಾಗೂ ನಾಡಿನ ಹಕ್ಕುಗಳ ಸಮರ್ಥ ಪ್ರತಿನಿಧಿ,” ಎಂದು ಹೇಳಿದರು. ಅವರು ಈ ಸಂದರ್ಭದಲ್ಲಿ ಐದು ಪ್ರಮುಖ ಸಲಹೆಗಳನ್ನು ನೀಡಿದರು:

1. ಶಿಸ್ತಿನ ಬಳಕೆ – ಸಂಘಟಿತ ಹಾಗೂ ತಂತ್ರಬದ್ಧ ಶಿಸ್ತು ಎಲ್ಲ ಹೋರಾಟಗಳ ಆಧಾರವಾಗಬೇಕು.

2. ಸಾಮಾಜಿಕ ಜವಾಬ್ದಾರಿ – ಭಾಷೆಯ ಜೊತೆಗೇ ಸಮಾಜದ ಒಟ್ಟು ಉನ್ನತಿಗೆ ಕೆಲಸ ಮಾಡಬೇಕು.

3. ಹಿರಿಯರ ಮಾರ್ಗದರ್ಶನ – ಹಿರಿಯರ ಅನುಭವಗಳಿಂದ ಕಲಿಯಲು ಸದಾ ಸಿದ್ಧರಾಗಿರಬೇಕು.

4. ಡಿಜಿಟಲ್ ಶಕ್ತಿ ಬಳಕೆ – ಸಾಮಾಜಿಕ ಮಾಧ್ಯಮಗಳ ಮೂಲಕ ನಮ್ಮ ಧ್ವನಿಯನ್ನು ಬಲವಾಗಿ ಹರಡಿಸಬೇಕು.

5. ಸಂಯಮಿತ ಶಬ್ದ ಮತ್ತು ಬುದ್ಧಿವಾದದ ಪ್ರಚಾರ – ಕ್ರೋಧದಿಂದ ಅಲ್ಲ, ಪ್ರಭಾವದಿಂದ ನಮ್ಮ ಹೋರಾಟ ನಡೆಯಬೇಕು.

“ಯುವ ಸೇನೆ ಭವಿಷ್ಯದ ಕನ್ನಡದ ಕಾಪಾಳೆಗಾರರು. ನಾಡಿಗಾಗಿ ನೀವು ದುಡಿಯಿರಿ, ನಾವು ಹಿರಿಯರು ಸದಾ ಮಾರ್ಗದರ್ಶನಕ್ಕೆ ಸಿದ್ದರಾಗಿದ್ದೇವೆ,” ಎಂದು ಅವರು ನುಡಿದರು.

ಈ ಸಮಾರಂಭದಲ್ಲಿ ಆಯ್ಕೆಯಾದ ಪದಾಧಿಕಾರಿಗಳಿಗೆ ಹಾರವಿಟ್ಟು ಅಭಿನಂದನೆ ಸಲ್ಲಿಸಲಾಯಿತು. ಅವರು ಭವಿಷ್ಯದ ಹೋರಾಟಗಳಲ್ಲಿ ನಾಡಿಗೆ ಶಕ್ತಿ ತುಂಬುವ ನಾಯಕತ್ವ ನೀಡಲಿ ಎಂಬ ಆಶಯವನ್ನು ಸಭೆಯಲ್ಲಿ ವ್ಯಕ್ತಪಡಿಸಲಾಯಿತು. ಕೊನೆಗೆ “ಜಯ ಕರ್ನಾಟಕ! ಜಯ ಕನ್ನಡ ನಾಡು!” ಘೋಷಣೆಗಳು ಘುಂಘುಮ್ಮೆದಾಡಿದವು.

ಸಭೆಯಲ್ಲಿ ಭಾಗವಹಿಸಿದ್ದ ಪ್ರಮುಖರು:

ಭೀಮರಾಯಿ ಬಿ. ಗುಡಗೇನಟ್ಟಿ – ಜಿಲ್ಲಾ ಗೌರವಾಧ್ಯಕ್ಷ

ನಿರುಪಾದ್ ಚಂಡಿಕಿ – ಜಿಲ್ಲಾ ಕಾರ್ಯದರ್ಶಿ

ಬಾಳೇಶ್ ಪಾಟೀಲ್ – ಬೆಳಗಾವಿ ತಾಲೂಕು ಅಧ್ಯಕ್ಷ

ಲಖನ ಮಾನಿ – ಮಾಂತೇಶ್ ನಗರ ಅಧ್ಯಕ್ಷ

ಗೋಪಾಲ್ ಲಮಾಣಿ – ಮಾಂತೇಶ್ ನಗರ ಕಾರ್ಯದರ್ಶಿ

ಪ್ರಕಾಶ್ ಸುಳಗೇಕರ್ – ಮಾಂತೇಶ್ ನಗರ ಉಪಾಧ್ಯಕ್ಷ

ಗುಂಡೂರಾವ್ ಲಮಾಣಿ – ಮಾಂತೇಶ್ ನಗರ ಸಂಚಾಲಕ

ಉಮೇಶ್ ಲಕ್ಷಣವರು – ಮಾಂತೇಶ್ ನಗರ ಗೌರವಾಧ್ಯಕ್ಷ

ಲಕ್ಷ್ಮಣ್ ಲಮಾಣಿ – ಬೆಳಗಾವಿ ಜಿಲ್ಲಾ ಗ್ರಾಮಾಂತರ ಅಧ್ಯಕ್ಷ

ಇವರೊಂದಿಗೆ ಇನ್ನುಳಿದ ಸಂಘಟನೆಯ ಪದಾಧಿಕಾರಿಗಳು, ಕಾರ್ಯಕರ್ತರು ಹಾಗೂ ನೂರಾರು ಕನ್ನಡ ಹೋರಾಟಗಾರರು ಸಭೆಯಲ್ಲಿ ಭಾಗವಹಿಸಿದ್ದರು.