ಬೆಳಗಾವಿಯಲ್ಲಿ ಇಂದು ನಡೆದ ಲೋಕಮಾನ್ಯ ಸಂಸ್ಥೆಯ ಮ್ಯಾರಾಥಾನನಲ್ಲಿ ಭಾಗಿಯಾದ ಟೆನ್ನಿಸ್ ತಾರೆ ಸಾನಿಯಾ ಮಿರ್ಜಾ ಅವರು ಬೆಳಗಾವಿಗರಿಗೆ ಫಿಟನೆಸ್ ಮಂತ್ರವನ್ನು ಹೇಳಿದ್ದಾರೆ.
ಖಾಸಗಿ ಕಾರ್ಯಕ್ರಮ ನಿಮಿತ್ತ ಟೆನ್ನಿಸ್ ತಾರೆ ಸಾನಿಯಾ ಮಿರ್ಜಾ ಬೆಳಗಾವಿಗೆ ಆಗಮಿಸಿದ್ದರು. ವಿಶೇಷ ವಿಮಾನದ ಮೂಲಕ ನಿನ್ನೆ ಬೆಳಗಾವಿಗೆ ಆಗಮಿಸಿದ್ದ ಸಾನಿಯಾ ಮಿರ್ಜಾ ಇಲ್ಲೇ ವಾಸ್ತವ್ಯ ಹೂಡಿದ್ದರು. ಇಂದು ಬೆಳಗ್ಗೆ ಬೆಳಗಾವಿಯಲ್ಲಿ ನಡೆದ ಮ್ಯಾರಥಾನ್‌‌ಗೆ ಸಾನಿಯಾ ಮಿರ್ಜಾ ಚಾಲನೆ ನೀಡಿದರು. ಶಾಸಕಿ ಶಶಿಕಲಾ ಜೊಲ್ಲೆ, ಪರಿಷತ್ ಮಾಜಿ ಸದಸ್ಯ ಮಹಾಂತೇಶ ಕವಟಗಿಮಠ, ಮಲಗೌಡ ಪಾಟೀಲ, ಮ್ಯಾರಾಥಾನ ಆಯೋಜಕರಾದ ಕಿರಣ ಠಾಕೂರ್, ಸಯಿ ಠಾಕೂರ್ ಇನ್ನುಳಿದವರು ಈ ವೇಳೆ ಭಾಗಿಯಾಗಿದ್ದರು.
ನಗರದ ಆರ್.ಪಿ.ಡಿ ಬಳಿ ನಡೆದ ಮ್ಯಾರಾಥಾನನಲ್ಲಿ ಭಾಗಿಯಾಗಿ, ಸಾನಿಯಾ ಮಿರ್ಜಾ ಅವರು ಆರೋಗ್ಯವೇ ಭಾಗ್ಯ ಎಂಬ ಸಂದೇಶವನ್ನು ನೀಡಿದರು.
ಹಲವಾರು ಜನರು ಮ್ಯಾರಾಥಾನನಲ್ಲಿ ಭಾಗಿಯಾಗಿದ್ಧರು.
