ಅಂತರಾಷ್ಟ್ರೀಯ ಪ್ಯಾರಾ ಥ್ರೋಬಾಲ್ ಸ್ಪರ್ಧೆಗೆ ಆಯ್ಕೆಯಾದ ದಿವ್ಯಾಂಗರಿಗೆ ಶ್ರೀ ಗುಜರಾತಿ ನವರಾತ್ರ ಉತ್ಸವ ಮಂಡಳದಿಂದ ಆರ್ಥಿಕ ಸಹಾಯ ಮಾಡಲಾಗಿದೆ.
ಶ್ರೀಲಂಕೆಯ ಕೋಲಂಬೋದಲ್ಲಿ ಇದೇ ತಿಂಗಳು ನಡೆಯಲಿರುವ ಅಂತರಾಷ್ಟ್ರೀಯ ಪ್ಯಾರಾ ಥ್ರೋಬಾಲ್ ಸ್ಪರ್ಧೆಯಲ್ಲಿ ಆಯ್ಕೆಯಾದ ಮೂರು ತಂಡಗಳ ಪೈಕಿ ಬೆಳಗಾವಿಯ 7 ಕ್ರೀಡಾಳುಗಳನ್ನು ಪ್ರಥಮಬಾರಿಗೆ ಆಯ್ಕೆ ಮಾಡಲಾಗಿದೆ. ಆದರೇ ಅವರಿಗೆ ಆರ್ಥಿಕ ಸಮಸ್ಯೆ ಎದುರಾಗಿತ್ತು. ಆದ್ದರಿಂದ ಬೆಳಗಾವಿ ಶಾಸ್ತ್ರೀನಗರದ ಶ್ರೀ ಗುಜರಾತಿ ನವರಾತ್ರ ಉತ್ಸವ ಮಂಡಳದ ವತಿಯಿಂದ 25 ಸಾವಿರ ರೂಪಾಯಿಗಳ ಧನಸಹಾಯ ಮಾಡಲಾಗಿದೆ.

ಈ ವೇಳೆ ಉಪಾಧ್ಯಕ್ಷ ಬಿಪಿನಭಾಯಿ ಪಟೇಲ್, ಕಾರ್ಯದರ್ಶಿ ವಿಜಯ ಬದ್ರಾ, ಟ್ರಸ್ಟಿ ಭಾವೇಶ ಚುಡಾಸಮಾ, ರಿತೇಶ ಪಟೇಲ್, ಭೂಪೇಂದ್ರಭಾಯಿ ಪಟೇಲ್ 7 ಕ್ರೀಡಾಳುಗಳು ಸೇರಿದಂತೆ ಇನ್ನುಳಿದವರು ಭಾಗಿಯಾಗಿದ್ಧರು. ಪ್ರತಿಭಾವಂತ ಕ್ರೀಡಾಳುಗಳಿಗೆ ಸಹಾಯ ಮಾಡುವಂತೆ ಆಪರೇಶನ್ ಮದತ್ ತಂಡ ಕೂಡ ಕರೆ ನೀಡಿದೆ. ಹೆಚ್ಚಿನ ಮಾಹಿತಿಗಾಗಿ ರಾಹುಲ್ ಪಾಟೀಲ ಅವರನ್ನು ಸಂಪರ್ಕಿಸುವಂತೆ ಕೋರಲಾಗಿದೆ.